Тәжікстан ресми түрде ДСҰ мүшесі болды

2 087 просмотра

АСТАНА. 2 наурыз. ҚазАқпарат - Бүгінгі күннен бастап Тәжікстан ресми түрде Дүниежүзілік сауда ұйымының мүшесі болды, деп хабарлады РБК жергілікті БАҚ-қа сілтеме жасап.

Бұл туралы бұдан бұрын республиканың сыртқы істер министрлігі хабарлаған болатын Осы жылғы 9 қаңтарда ел парламенті Тәжікстанның ДСҰ-ға қосылуы туралы хаттаманы ратификациялады. Хаттамаға 2012 жылғы 10 желтоқсанда Тәжікстан президенті Эмомали Рахмон мен ДСҰ бас директоры Паскаль Лами қол қойған болатын. 4 ақпанда республика өкілі Тәжікстанның ДСҰ-ға қосылуы туралы хаттаманы ратификациялау туралы грамотаны осы ұйымның Женевадағы хатшылығына тапсырды.

Сонымен, Тәжікстан Қырғызстаннан кейінгі ДСҰ-ға кірген Орталық Азиядағы екінші республика болып отыр.
Дереккөз: inform.kz

2 наурыз 2013, 18:45

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.