Наурыз айы келгенде

«Қазгидромет» РМК Атырау филиалының метеоболжам бөлімінің бастығы Күләнда МЫРЗАШЕВАНЫҢ хабарлауынша облыс бойынша наурыздың бірінші онкүндігінде ауа температурасы -түнде 0, -5, кей жерлерде +3-ке дейін, күндіз  +5, +10-ға дейін, кей жерлерде +15-ке дейін құбылады деп күтілуде.

Екінші онкүндікте күн суытады: түнде -3, -8, күндіз +6, +11 градус. Үшінші онкүндікте күн жылынады деп болжануда: түнде 0, +5, күндіз +10, +15, кей жерлерде +20 градусқа дейін болады. Орташа айлық температура да, жауын-шашын да қалыпты шамада болады деп күтілуде. Бірінші онкүндіктің басында, екінші онкүндіктің аяғында және үшінші онкүндіктің ортасында секундына 15-20 метрге дейін құбылмалы бағытта жел күшеймек.

Тамара СУХОМЛИНОВА