В Атырау 0 
«Жайықмұнайгаз» МГӨБ-не, сонымен қатар осы кәсіпорынның лауазымды тұлғасына барлығы 400 мың теңге шамасында айыппұл салынды.
2012 жылдың 20 желтоқсанында Атырау – Астрахан тас жолынан 300 метр жерде Аққыстау поселкесіне жақын маңда орналасқан «Гран-Мартыши» кенішінің технологиялық тұрба құбырында мұнай эмульсиясының төгілгендігі анықталды. Төгінді алаңы 600 шаршы метр шамасын құрады.
– Осы факт бойынша кәсіпорынның бас инженері мен «Жайықмұнайгаз» МГӨБ-нің өзін біз ҚР Әкімшілік құқықбұзушылық туралы кодексінің 250-бабы бойынша әкімшілік жауапкершілікке тартып, тиісінше 43 275 теңге және 328 890 теңге мөлшерінде айыппұл салдық, - дейді Атырау облыстық Экология департаментінің Исатай ауданы бойынша инспекторы Қажығали НАУАНОВ. -Төгіндіден ластанған алаңды мұнайшылар тазартып, қалпына келтірді.
Сәуле ТАСБОЛАТОВА