Атырау, 1 желтоқсан 04:13
 ашық В Атырау -7
$ 425.05
€ 509.29
₽ 5.58

Қазған сайын жаңа іс

2 155 рет қаралды

Қаржы полициясы экс-әкім Бергей РЫСҚАЛИЕВТЫҢ командасындағы тұлғаларға қатысты жаңа қылмыстық сыбайлас жемқорлық істерді қозғауды жалғастыруда.

Атырау облыстық Экономикалық қылмысқа және сыбайлас жемқорлыққа қарсы күрес департаменті «Атырау облыстық құрылыс басқармасы» ММ бұрынғы бастығы азамат К-ге, оның бұрынғы орынбасары азамат А-ға және аты-жөндері аталмаған бірқатар тұлғаларға қатысты ҚР Қылмыстық кодексінің 307-бабының 2-тармағы («Қызмет өкiлеттігін терiс пайдалану») бойынша қылмыстық іс қозғады. Олар «Атырауинждорстрой» ЖШС-не қамқорлық жасай отырып, орындалған жұмыстарды қабылдау актісіне және орындалған жұмыстар құны туралы анықтамаға заңсыз қол қойып, осылайша мемлекетке 10 млн теңге мөлшерінде зиян келтірген деп хабарланады. Құжаттарға ҚР үкіметінің 13.04.10 жылғы №301 қаулысына нұқсан келтіріліп, қол қойылған. Бұл қаулы бойынша инфрақұрылым құрылысының (қайта жарақтау) құны жоба құнының 50 пайызынан аспауы тиіс.

Қаржы полициясының хабарламасында азамат К. деп аталған тұлға – Нұрлан КЕНЖЕБЕКОВ. Ол 2012 жылдың қарашасында «Атырау-Доссор-Мақат» су құбырын салу кезінде 3 миллиард теңгеден астам бюджет қаржысын ұрлауға қатысы бар деген айыппен үйқамаққа алынған болатын. Ал бұдан бұрынырақ оның бұрынғы орынбасары Ибрагим АМИРОВКЕ де қарсы мемлекетке 18 млн теңге сомасында зиян келтірді деген айып бойынша қылмыстық іс қозғалған болатын.

Құрылыс басқармасының қабылдау бөліміндегілер Амировтің ол жерде 20 ақпаннан бастап жұмыс істемейтінін мәлімдеді.

Лаура СҮЛЕЙМЕНОВА

27 ақпан 2013, 10:59

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.