Атырау, 15 тамыз 06:00
 ашықВ Атырау +33
$ 476.01
€ 490.15
₽ 7.81

Қазақстанда бірқатар шетелдік тауарды мемлекеттік сатып алуға тыйым салынды

824 просмотра

Шетелден шыққан автокөліктер мен басқа да кейбір тауарларды мемлекеттік сатып алуға екі жылға тыйым салынуда, деп хабарлайды Zakon.kz.

Қазақстан Үкіметі 2022 жылғы 2 ақпандағы «Ұлттық режимнен босатуды белгілеудің кейбір мәселелері туралы» қаулы қабылдады.

Шетелде шығарылған бірқатар өнеркәсіптік және машина жасау тауарларын мемлекеттік сатып алуға екі жылға тыйым салынуда.

Ұлттық режимнен алып тастауға жататын шет мемлекеттерден шығарылған тауарлардың тізбесіне мыналар кіреді:

  • автобустар, жеңіл және жүк көліктері;

  • арнайы техника, комбайндар, тракторлар, жүк көлігі тракторлары;

  • лифттер, траволаторлар, эскалаторлар және жылжымалы жолдар;

  • газды, сұйықтықты немесе электр энергиясын беруге немесе өндіруге арналған есептегіштер, оның ішінде калибрлеуші: айнымалы ток, көп фазалы, бір фазалы электр есептегіштері; газ есептегіштері.

  • интеграцияланған, цифрлық релелік қорғанысы және цифрлық басқаруы бар толық трансформаторлық қосалқы станциялар.

Бұл ретте ұлттық режимнен алып тастауға жататын шетелдік тауарлар тізбесінен шұлық, киізден жасалған аяқ киім, сондай-ақ ағаш және металл кеңсе жиһаздары алынып тасталды.

Түзетулер 2022 жылдың 15 ақпанында күшіне енеді.

7 ақпан, 11:29

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.