"Самұрық-Қазына" басшысы: Біз жағымсыз тұлғаларды жұмыстан шығаруды ұсындық​

"Самұрық-Қазына" ұлттық әл-ауқат қорының басқарма төрағасы Алмасадам Сәтқалиев сатып алу мәселелері жөніндегі онлайн-кеңес барысында қор қызметкерлерінің жұмыстан қысқаруына қатысты пікір білдірді.

"Қорда өте күрделі реформа басталды.  нәтижесінде функцияларын жүзеге асырмаған, сыбайлас жемқорлыққа қатысы бар бірқатар лауазымды тұлғалар анықталды. Бізге келіп түскен барлық ескертулерді талдадық, көрдік. Осының нәтижесінде директорлар кеңесі мен компания басшыларына сатып алу мәселесіне байланысты барлық басшыларды лауазымдарынан босатуды ұсындық. 

Бұл популистік шара емес. Мен кез келген бұзушылықтардың негізінде адами фактор жатыр деп айтқан болатынмын. Бизнес пен қоғам тұрғысынан жағымсыз тұлғаларды жұмыстан шығару туралы ұсыныстар айтылды. Қазір бізде әлеуметтік желілер өте белсенді. Біраз тұлғаларға қатысты қоғамда жағымды пікір бар", - деді Сатқалиев.