Төлемесең, ұшпайсың

Жергілікті әуежайда атыраулық кәсіпкерлердің бірін салықтық қарыздары үшін ұшаққа жібермеді. Ер адам өз жеке кәсіпорнының автокөлігі үшін үш жылға 1 млн теңгеден аса салықты төлегеннен кейін ғана келесі рейспен ұшып кетті.

Атырау облысы прокуратурасы басқармасының прокуроры Жасұлан ЖҰМАҒАЗИЕВТІҢ айтуынша,әуежайдағыкәсіпкердіұстау 2013 жылғы 21.01-08.03 аралығында өтіп жатқан «Мемлекет алдындағы қарызды өтеу – азаматтың негізгі міндеті»акциясы аясындажүргізілген.

Акцияның мақсаты: жеке және заңды тұлғалардан өз уақытында төлемеген әкімшілік айыппұлдарды және мемлекет пайдасына төлеуі керек басқа да міндетті төлемдерді өндіріп алу.

- Салық және басқа да төлемдер бойынша борышкерлер туралы деректер қоры ІІД бөлімшелерінде енгізілген «Бүркіт» бірыңғай ақпараттық жүйесінде сақталады. Осы мәліметтер бойынша кәсіпкер ұсталды, - деп түсіндірді Жұмағазиев.

Акция басталған 15 күнде ықылассыз борышкерлерден 200 миллионнан астам теңге мемлекет пайдасына өндірілді.

Лаура СҮЛЕЙМЕНОВА