Атырау, 19 сәуір 23:29
Таңертең ашық+8, күндіз +12
ҚР Ұлттық банкінің валюта бағамы: $ 379.19  € 426.63  P 5.92

«Линкольн» фильмінің арқасында Миссисипи штатында құлдық жойылды

20 ақпан 2013 14:53
АҚШ-тағы Азамат соғысынан 148 жылдан кейін Миссисипи штатында құл иеленушілікке шектеу қойылды. Бұл туралы FoxNews   телеарнасының сайтына сілтеме жасай отырып, filmpro.ru хабарлайды.
Сайттың жазуынша, Америкадағы құл иеленушілік қоғам баяғыда тарих қойнауына енген, алайда Конституцияға президент Линкольн енгізген 13-ші түзету әлі күнге дейін барлық штаттарда қабылданбапты. Миссисипи штатының басшылығы бұл түзетуді жуырда ғана енгізген. Бір қызығы, аталмыш штаттың Конституциясында мұндай түзетудің жоқ екендігі Азамат соғысы мен одан кейінгі құл иеленушіліктің жойылғандығы туралы түсірілген Стивен Спилбергтің «Линкольн» фильмі шыққаннан кейін ғана белгілі болған.

Бұл олқылықты Миссисипи университетінің доценті Раджан Батра байқаған екен. «Линкольн» фильмін көргеннен кейін ол мұрағат құжаттарымен танысып шықпақ болған. Осылайша, ол өзі тұратын штатта заңды түрде қазірдің өзінде «құлды» сатып алып немесе сатып жіберуге болатындығын түсінген.

1865 жылы Линкольн Конституцияға енгізген құл иеленушілікті жоятын 13-ші түзетуді барлық штаттар қабылдап, тек Миссисипи ғана бас тартқан екен. Бұл мәселе бойынша дауыс беру тек 1995 жылы өтіп, ритификация үдерісі соңына дейін жетпей қалған. Енді міне, университет қызметкерлерінің сұрауы бойынша, ақпанның 7-сінде заңды түрде құл иеленушілікке шектеу қойылды. 

Айта кету керек, атақты режиссер Стивен Спилбергтің «Линкольн» фильмі 2012 жылдың үздік туындыларының қатарында. Фильм 12 аталым бойынша «Оскар» сыйлығына үміткерлікке ұсынылып отыр.

Дереккөз: ҚазАқпарат

Нашли ошибку? Выделите её мышью и нажмите Ctrl + Enter.
 

821 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5