Ұяттан жерге кірген артық

Атырау облысында мал барымташыларын масқаралайтын плакаттар пайда болмақ. Осындай жолмен күрес жүргізілмекші.  

Бұл туралы таяуда Мақат ауданына барған облыс әкімі Бақтықожа ІЗМҰХАМБЕТОВТІҢ жұмыс сапары барысында белгілі болды. Ауыл тұрғындарымен кездесу кезінде:

– Мақат ауданындағы мал ұрлығы соңғы уақытта 3 есе көбейіп кетті. Осы жерде ІІД бастығының бірінші орынбасары қатысып отыр. Мен оған мал ұрлаушылардың фотосуреттері мен «өмірбаяны» бейнеленген арнайы плакаттар дайындауды тапсырамын. Бұл плакаттар көшелерге ілінетін болады. Олардың туыстары ұялатын болсын, - деп мәлімдеді ол.

Лаура СҮЛЕЙМЕНОВА