Екі жылда – 29 есептегіш

Облыстық әкімдіктеоблыс орталығындағы көпқабатты үйлерге жылу есептегіш аспаптарын орнату қарқындылығы туралы хабарлады.

Естеріңізге салсақ, бүгінде қалалық тұрғын үй қорының жылу өлшегіштермен қамтылуы бар болғаны 7,9 пайыз құрайды. Оның басым бөлігі бірінші деңгейлі тұрғын үйлердің үлесінде.

Облыстық әкімдіктің баспасөз хатшысы Қайрат ТАРБАЕВТЫҢ айтуынша, тұрғын үй-коммуналдық шаруашылықты жаңғырту жөніндегі бағдарлама аясында 2011 жылы жөндеуден өткен 17 үйдің 14-інде жалпы үй есептегіш аспаптары орнатылған. 2012 жылы күрделі жөнделген 28 үйдің 15-інде есептеу аспаптары орнатылған. Тарбаев есептегіштердің тұрғындарға жылуды 3 есе аз төлеуге мүмкіндік беретінін еске салды.

Лаура СҮЛЕЙМЕНОВА