Балабақшаға орналастыру - 1000 доллар

Атырау облыстық қаржы полициясының департаменті пара бергені үшін қалалық білім беру бөлімінің әдіскеріне қатысты қылмыстық іс қозғады.

Департаменттің баспасөз қызметінің хабарлауынша, іс ҚР ҚК-нің 28-бабының 4-тармағы және 312-бабының 2, 4-тармақтары («Пара беру») туралы болып отыр.

«Атырау қалалық білім беру бөлімі» ММ әдіскері азаматша И. азғыру арқылы азаматтар Н. мен М-ны Атырау қалалық білім беру бөлімінің лауазымды тұлғаларына №25 балабақшаға балаларын орналастыру үшін жалпы сомасы 301 540 теңге сомада пара беруге итермелеген», - делінген хабарламада.

Сәуле ТАСБОЛАТОВА