Атырау, 27 қараша 11:25
 бұлыңғыр болады В Атырау +1
$ 422.40
€ 502.78
₽ 5.59

Гаухарға сенеміз

2 008 рет қаралды

Қарағандыда 12 жасқа дейінгі балалар арасында теннистен Қазақстан чемпионаты өтті. Спортшылар жеке және жұппен өнер көрсетті.

Атыраудан өз жасында республикалық рейтингте 8-орын алатын Гаухар Зналиева қатысты. Жеке жарыста Гаухар үш айналымнан оңай өтіп, жартылай финалда қарағандылық Айзат Жолдакеевадан ұтылып қалды. Қорытындысында – қола медальға ие болды.

Рангтер тізбесінде 5-орында тұрған шымкенттік Жәмила Тайтелімен жұп құрып, қарағандылық жұп Жолдакеева – Белогривцеваны және алматылық Ибрашева – Астахованы ұтты. Алайда осыдан  кейін күтпеген оқиға орын алды: үзілісте Жәмиланың қолы ауырып, дәрігерлер финалға қатысуға тыйым салды. Сәйкесінше, Гаухар «күмісті» місе тұтты.

Бапкер Вера Тихомирова шәкіртінің болашағына сенімді:

- Гаухар жасөспірімдік деңгейге көтерілді және Қазақстан құрамасының құрамына кірді. Бапкерлері мен достары оған сенеді.

Мұрат СҰЛТАНҒАЛИЕВ

Суретті түсірген Қанат ЕЛЕУОВ

7 ақпан 2013, 00:00

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.