Қырғызстан Еуразия құқық қорғау органдарының қауымдастығына мүше болды

Қырғызстан, Түркия, Әзірбайжан және Моңғолия ІІМ әскери мәртебесі бар Еуразия құқық қорғау органдарының қауымдастығын құру туралы келісімге қол қойды. Меморандумға аталған елдердің ішкі әскер қолбасшылары Бакуде 2013 жылғы 24-27 қаңтар аралығында қол қойды, деп хабарлайды BNews.kz тілшісі ҚР ІІМ-нің баспасөз қызметіне сілтеме жасай отырып. 

«Құрылған жаңа халықаралық ұйым әскери қызметшілердің қызметін, әскери-техникалық ынтымақтастық, айырбастау және озық тәжірибені тарату ісін жетілдіру мен дамытуға үлкен мүмкіндіктер береді», – делінген хабарламада.

Кездесу соңында әскери мәртебесі бар Еуразия құқық қорғау органдарының қауымдастығы символдарды төрағалық етуші – Түркия жандармериясының бас қолбасшысына тапсырылды. 

Дереккөз: bnews.kz