Атырау, 23 сәуір 12:55
Кешке бұлыңғыр болады+10, түнде +9
ҚР Ұлттық банкінің валюта бағамы: $ 377.11  € 424.21  P 5.91

Қазақстанда ұшу қауіпсіздігі тексеріле бастады

1 ақпан 2013 18:53

Азаматтық авиация комитеті CRJ маркалы ұшақтарды пайдаланатын әуе компанияларға жоспардан тыс тексеру жүргізе бастады, деп BNews.kz тілшісі ҚР Көлік және коммуникация министрлігінің баспасөз қызметіне сілтеме жасай отырып хабарлады. 

«Азаматтық авиация комитеті 29 қаңтарда Алматы түбінде орын алған әуе апатына байланысты CRJ маркалы ұшақтарды пайдаланатын әуе компанияларға жоспардан тыс тексеру жүргізе бастады», - делінген ақпаратта.

ҚР ККМ хабарлағандай, ағымдағы жылдың қаңтар айында Бас көлік прокуратурасымен бірігіп жолаушылар тасымалдайтын әуе компаниялардың қызметіндегі ұшу қауіпсіздігі туралы заңнаманың сақталуы тексеріле бастады.

Ведомство мәліметтері бойынша, бүгінгі таңда 7 әуе компаниясы тексерілді. Сондай-ақ, I тоқсанда 24 әуе компаниясын тексеру жоспарланып отыр.

«ҚР ККМ азаматтық авиация комитетінің мамандары әуе кемелерін бекітілген кестеге сәйкес тексереді. Және Қазақстанның әуе компаниялары нормаларға сәйкес ұшақтардың техникалық жағдайын тұрақты түрде бақылап тұрады», - деп толықтырды баспасөз қызметінен.

Дереккөз: bnews.kz

Нашли ошибку? Выделите её мышью и нажмите Ctrl + Enter.
 

1119 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5