В Атырау
+8 
21 қаңтарда Махамбет поселкесінің 64 жастағы тұрғынының өрістегі жылқысын ұрлап кеткен. Барымта жасады деген күдікпен оның 35 жастағы ауылдасы ұсталды, жылқының терісі мен еті тәркіленіп алынды.
***
22 қаңтар күні кешкісін Привокзальныйда орналасқан дәріханаға кіре берісте гирляндадан жасалған маңдайша ұрланып кетті. Ұрлық жасады деп күдіктелген Бірлік поселкесінің 32 жастағы тұрғыны іздестірілуде.
***
22 қаңтарда Құлсарыдағы орталық базарда кәсіпкер әйелден теріден жасалған 9 бөрікті ұрлап кеткен. 27 жастағы жергілікті тұрғын ұсталып, заттай айғақтар алынды.
***
23 қаңтарда күндіз Нәжімеденов көшесінде 22 жастағы ер адам ұсталды. Оның пакетінде нөмірі өшірілген Valtro маркалы тапанша болған. Сараптама тағайындалды.
***
24 қаңтарда таңертең Дамба поселкесіндегі үйлердің бірінің ауласында су полициясының қызметкерлері 310 келі жаңадан ауланған сазан мен 36,5 келі балық тапқан. Полицияға 41 жастағы қожайын әйел түсінік беруде.
***
24 қаңтарға қараған түні Авангардтағы супермаркеттен 21 жастағы қала тұрғыны ұсталды. Ол құны 22,7 мың теңге тұратынвиски бөтелкесін қойнына тығып алып кетпек болған.
***
24 қаңтар күні таңертең Елтай поселкесінің маңындағы Атырау-Орал трассасында Индер АІІБ қызметкерлері Батыс Қазақстан облысының 35 жастағы тұрғыны жүргізіп келе жатқан «Фольксваген-Пассат» автокөлігін ұстады. Салоннан ілеспе құжаттарсыз 6 тонна қара балық табылған.
***
27 қаңтар күні тал түсте №17 теміржол разъезі маңындағы Атырау – Астрахан трассасында «Тойота-Карина» мен «Лада-Приора» автокөліктері бетпе-бет соғысты. Екі көліктегі 5 жолаушы облыстық ауруханаға жеткізілді. Тергеу ісімен Махамбет АІІБ айналысуда.
***
27 қаңтарда таңғы сағат 5-те «112» пультіне Атамбаев көшесінің бойындағы «Сервис-С» ЖШС-нің көлікжайы өртеніп жатқандығы туралы хабарлама келіп түскен. Өрт 1 сағат 20 минуттан кейін өшірілді. Өрт «Мицубиси-Галант» және «Хёндай-СантаФе» автокөліктері тұрған үш көлікжай боксын түгелдей шарпыған. Өрт себебі мен зиян мөлшері анықталуда.
***
27 қаңтарға қараған түні Атырауда отбасылық жанжал барысында 36 жастағы қала тұрғыны асүй пышағын күйеуінің ішіне тығып алған. Зардап шегуші облыстық ауруханаға жеткізілді. Әйел басқа жаққа кетпеу туралы қолхатпен босатылды.
***
25 қаңтарда Әуезов көшесіндегі үйлердің бірінің жертөлесінен ұзындығы бір метрден болатын 30 болат тұрба ұрланып кетті. Күдіктіге - 22 жастағы жұмыссыз тұрғынға іздеу жарияланды.