АҚШ-та жаңа мемлекеттік хатшы тағайындалды

АҚШ Конгресінің сенаты Джон Керриді мемлекеттік хатшы лауазымына тағайындады. Барак Обама оның кандидатурасын былтыр 21 желтоқсанда ұсынған еді. 

Сенаторлар бұл ұсынысты бірауыздан қолдады. Осы уақытқа дейін демократ Джон Керри АҚШ Конгресі сенатының Сыртқы істер жөніндегі комитет төрағасы лауазымында болған. 2004 жылы ол президенттікке сайлауға түскен еді. Алайда республикашыл Джордж Буштан жеңіліп қалған болатын. 69 жастағы демократ жаңа қызметіне бірнеше күннен кейін кіріседі. Жаңа мемлекеттік хатшы алда Таяу Шығыстағы мәселелерге көңіл бөлетін болады. Алайда ішкі  саясатта елеулі өзгерістердің болмайтындығын айтты.

Дереккөз: 24.kz