ҚХР-да Қазақстандағы жер сілкінісінен 200-ден аса құрылыс қирады

1 420 рет қаралды
Қытайдың шекаралас аймағында Қазақстанда болған жер сілкінісінен 200-ден аса құрылыс бұзылды, 20 мыңнан аса адамның мүлкіне зиян келтірілді, деп хабарлайды «Сина» порталы. 

Қазақстанда дүйсенбі, 28 қаңтарда Астана уақытымен сағат 22.38-де болған жер сілкінісінің магнитудасы 6,6 құрады. Зілзаланың ошағы Алматы қаласынан оңтүстік-шығысқа қарай 225 шақырым жерде  орналасқан. Энергетикалық класы 15,1, тереңдігі 10 шақырым. МSК-64 (Медведева-Шпонхойера-Карника) шкаласы бойынша жерасты дүмпулердің қуаты Алматы қаласына 4-5 балды құрады.

Ақпартқа сәйкес, көршілес Қазақстанда болған жер асты дүмпулері салдарынан Қытайдың солтүстік батысында Шынжан-Ұйғыр автономиялық ауданның Іле-Қазақ автономиялық префектурасында 216 үй толық қираған. 7,4 мыңнан аса тұрғын құрылыстар мен 600-ден аса  мал қоралар зақымданды.

Дереккөз: ҚазАқпарат

30 қаңтар 2013, 15:31

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.