Атырауда букмекерлік кеңсе тоналды

28 қаңтарда таңғы сағат 5-те Атырау ҚІІБ-не Алмагүл ықшамауданындағы букмекерлік кеңсенің тоналғандығы туралы хабарлама келіп түсті.

Бетперде киген тонаушылар төртеу болған. Олар ойыншық тапаншамен қорқытып, ғимаратқа баса көктеп кірген. Күзетші мен кассирді соққыға жығып, кассадан 100 мың теңгені алып кетіпті. Бұдан басқа, қызметкерлердің бірінің ұялы телефоны шабуылшылардың олжасына айналған. Олар өз «қаруларын» сол жерге лақтырып, бой тасалаған. ҚІІБ-де осы қылмысты ашу үшін жедел топ құрылды. ҚР ҚК-нің 179-бабы («қарақшылық») бойынша қылмыстық іс қозғалды.

Мұрат СҰЛТАНҒАЛИЕВ