Атырау, 29 қараша 00:37
 ашық В Атырау 0
$ 423.87
€ 505.25
₽ 5.59

Қазақстандық студентті соққыға жыққан американдық баскетболшы түрмеге қамалды

1 216 рет қаралды
АСТАНА. 24 қаңтар. ҚазАқпарат - Провиденс қаласының соты (Род-Айленд штаты ) 22 жастағы американдық Джеймс Стиллді (James Still) өзінің курстасы - қазақстандық студент Еркін Әбдірахмановты өлім аузына дейін сабап, соққыға жыққаны үшін төрт жылға соттады және 11 жылға сынақ мерзімін тағайындады, деп хабарлады "Экспресс-К" газеті Providence Journal басылымына сілтеме жасай отырып. Үкім сейсенбі күні, 22 қаңтарда шығарылды. 

Жергілікті команданың баскетболшысы және оның жолдасы Джонни Лейси 2010 жылдың сәуір айында отандасымызға шабуыл жасап, оның жақ сүйегін 16 жерден сындырған. Дәрігерлер Еркінге бірнеше пластикалық ота жасауға мәжбүр болған.

Тексеру амалдарынан белгілі болғандай, оқиға орын алған күні спортшылар университет аумағында серуендеп, ішімдікке сылқия тойған. Олардың бірі жолда кездескен кез-келген жолаушыны ұрып соғуды ұйғарады. Өкінішке қарай оларға кездескен бірінші жәбірленуші қазақстандық студент болып шықты.

Жергілікті БАҚ хабарлағандай, екі атлет шетелдікті себепсіз соққыға жыққаны үшін 20 жылға түрмеге тоғытылулары әбден мүмкін еді. Алайда американдық Фемида бұл ретте оларға «жұмсақтық» танытты. Бұған дейін қазақстандық студентке шабуыл жасаған екінші американдық 3 жылға бас бостандығынан және 12 жыл сынау мерзіміне тартылу жазасына кесілген болатын.

Дереккөз: inform.kz

24 қаңтар 2013, 12:21

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.