Атырау, 5 желтоқсан 10:57
 бұлыңғыр болады В Атырау -7
$ 420.79
€ 511.98
₽ 5.67

Еуропадан ешкі әкеледі

1 765 рет қаралды

Облыстық әкімдікте облыс әкімі Бақтықожа ІЗМҰХАМБЕТОВТІҢ кәсіпкерлермен кездесуі болып өтті.

Кәсіпкерлер 20-дан астам жоба ұсынды. Атап айтсақ, «Келешек» компаниясының атқарушы директоры Бейбіт БИСЕКЕШ ешкі сүтінен өнімдер шығаратын зауыт ашуды жоспарлап отыр. Кәсіпкердің айтуынша, жобалық құжат дайын, зауыт құрылысы мен мамандарды оқытуға 6 ай жеткілікті екен. Жабдықты Германиядан сатып алмақшы.

- Біз мамандарды – 50 адамды Ресейден оқытпақпыз, олар тұрақты жұмыс орындарымен қамтылатын болады. Ал ешкілерді Еуропадан әкелмек ойымыз бар, - деді Бисекеш.

Бизнесмен Данияр СҮЛЕЙМЕНОВ спорттық-сауықтыру кешенінің жобасын ұсынды. Сонымен қатар, картинг мектебін ашу және балаларды халықаралық деңгейдегі турнирлерге дайындау жоспарда бар екен.

Ал жергілікті кәсіпкерлер үшін бизнес-идеяларды қаржыландыру басты проблема боп қалып отыр. Кездесуге қатысқан мемлекеттік және жеке қаржыгерлер несиелік қаржылар алудың анағұрлым оңтайлы әдістері туралы әңгімеледі.

- Барлық ұсынылған жобалар мұқият қаралатын болады. Біздің өңіріміз үшін өзекті деп танылғандарға таяу уақытта қолдау көрсетіледі, - деп қорытындылады Б.Ізмұхамбетов.

Облыстық әкімдіктің баспасөз қызметі хабарлағандай, таяу уақыттарда қатты тұрмыстық қалдықтарды өңдейтін және алкогольсіз сусындар шығаратын зауыттар құрылысының жобалары қаралатын болады.

Лаура СҮЛЕЙМЕНОВА

24 қаңтар 2013, 00:00

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.