В Атырау 0 
Денсаулық сақтау министрі Алексей Цой Қасым-Жомарт Тоқаевтың неге Sputnik V вакцинасын салдыртқанын түсіндірді, деп хабарлайды zakon.kz.
Sputnik V да қазақстандық вакцина. Ол Қазақстанда шығарылады. Иә, ішіндегі субстансасы Ресейде жасалған, бірақ ол Қазақстанда өндіріледі. Барлық жерде: орамасының сыртында, зауытта да "бұл вакцина Қазақстанда өндірілген" деп жазылған, - деді Алексей Цой "Хабар 24" телеарнасының эфирінде.
Бір күн бұрын Тоқаевқа Қарағанды зауытында шығарылған Sputnik V вакцинасы салынды.
Вакцинациядан кейін Президенттің денсаулығы жақсы. Жанама әсерлері жоқ, - деді Мемлекет басшысының баспасөз өкілі Берік Уәли.
Осы жылдың қаңтарында Қасым-Жомарт Тоқаев өзіне коронавирусқа қарсы қазақстандық вакцинаны салдыртуға ниетті екенін мәлімдеді. Қазір препарат клиникалық зерттеулердің үшінші кезеңінен өтуде, оны осы жазда аяқтау жоспарланған.
7 сәуір 2021, 17:44