Жыл басынан бері төрт мыңға жуық этникалық қазақ елге оралды

Қазақстанда 2021 жылдың басынан бері төрт мыңға жуық этникалық қазақ қандас мәртебесін алды, деп хабарлайды Sputnik еңбек және халықты әлеуметтік қорғау министрлігі.

"2021 жылғы 1 сәуірдегі жағдай бойынша 3 966 адам тарихи отанымен табысып, қандас мәртебесін алды. Осы жылдың басынан бастап Қазақстанға келген қандастардың жартысынан астамы (75,6%) Өзбекстаннан, 11,9%-і – Қытайдан, 5,8%-і – Түркіменстаннан, 3,0%-і – Моңғолиядан және 3,6%-і – басқа елдерден", - делінген ведомствоның ресми сайтында.

Министрліктің ақпаратынша, елге оралған этникалық қазақтар, негізінен, Алматы, Түркістан және Маңғыстау облыстарына, сондай-ақ, Шымкент пен Нұр-Сұлтан қалаларына қоныстанды.

1 сәуірдегі жағдай бойынша атажұртқа оралған этникалық қазақтардың 59,9%-і – еңбекке қабілетті жаста, 24,1%-і – еңбекке қабілетті жастан кіші және 16%-і – зейнеткерлер.

Жалпы 1991 жылдан бері республикаға шамамен 1 миллион 74,3 мың қандас оралды.