Атырау, 3 желтоқсан 03:27
 ашық В Атырау -10
$ 425.49
€ 512.84
₽ 5.63

Қазақстан террористермен "келіссөз жүргізушілер" дайындауға көшті

1 705 рет қаралды

Астана. 22 қаңтар. Baq.kz-Ұлттық қауіпсіздік комитетінің (ҰҚК) антитеррорлық орталығы жанынан осы ведомства мамандары мен ішкі істер министрлігі қызметкерлерінен құралған келіссөз жүргізу топтары құрылған.

ҰҚК қызметкерлері Украинаның қауіпсіздік қызметінің ұлттық академиясы мен Беларусьтің мемлекеттік қауіпсіздік комитеттеріне оқуға жіберіледі. Бұдан бөлек, арнайы қызмет өкілдері Ұлыбритания мен Түркияның полицейлік академияларында келіссөз жүргізу тәсілдерін меңгеріп, француз және немістердің арнайы қызмет өкілдері өткізген тренингтерге қатысқан.

ҰҚК-нің бұрынғы төрағасы Нартай Дүтбаев террористермен келіссөз жүргізетін маманның ең бірінші кезекте психолог болуы керек екенін айтады.

- Олар жағдайдың бүге-шегесіне дейін білетін, осы саладағы мықты дайындалған мамандар болуы керек. Айталық, діни экстремизм болса, сол тақырыпты жақсы меңгерген болуы тиіс. Психологиялық тұрғыда жақсы дайындалып, келіссөз жүргізіп отырған адамдарға арнайы психологиялық ықпал ету тәсілдерін қолдана білуі керек. Мәселені ушықтырмай, ол адамдардың жүрегіне жол таба алуы тиіс, - дейді Н.Дүтбаев.

Дереккөз: baq.kz

22 қаңтар 2013, 11:15

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.