Құлсарыда пәтер ұрылары ұсталды

Бейнежазба

2 521 просмотра

12 наурыз күні Құлсарыда полиция пәтер ұрлығы қылмысына күдіктілерді ұстады. Оларды арнайы жасақтың ұстау сәті әлеуметтік желіде жарияланды.

ПД баспасөз қызметі бөлімінің басшысы Мейірім ЕРДӘУЛЕТТІҢ ақпараты бойынша, ұсталғандар – 26 және 27 жастағы Құлсары тұрғындары. Олар 15 пәтер ұрлығын жасады деген күдікке ілінді. Олардан ұрланған алтын бұйымдар, электр-тұрмыстық техникалары, ноутбук және т.б. тәркіленді.

- Ұрлықтар тұрғын үйлердегі бейнебақылау камералары арқылы анықталды. Бұдан басқа, күдіктілер ұрланған алтын заттарды ломбардқа тапсырған кезде бейнебақылау камерасына түсіп қалған, - деді полицияның баспасөз хатшысы.

ҚР Қылмыстық кодекстің 188-бабы 3-тармағы (Ірi мөлшерде бірнеше рет тұрғын үй-жайға заңсыз кiрумен жасалған ұрлық) бойынша сотқа дейінгі тергеп-тексеру жүргізілуде.

Айнұр САПАРОВА

Әлеуметтік желіден алынған бейнежазба

16 наурыз 2021, 23:15

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.