Атырау, 12 сәуір 23:05
 ашықВ Атырау +17
$ 433.15
€ 515.06
₽ 5.61

Назарбаев Nur Otan партиялық бақылау комитетінің төрағасын тағайындады

1 098 просмотра

Артур Платонов 2016 жылдан бері парламент мәжілісінің депутаты болып еңбек етіп жүр

Nur Otan партиясының төрағасы Нұрсұлтан Назарбаев Артур Платоновты партиялық бақылау комитетінің төрағасы етіп тағайындады. Бұл туралы партия төрағасының бірінші орынбасары Бауыржан Байбек хабарлады.

"Партия лидері Нұрсұлтан Назарбаевтың қаулысымен Артур Платонов Nur Otan-ның партиялық бақылау комитетінің төрағасы болып тағайындалды", - деп жазды Байбек әлеуметтік желідегі парақшасында.

Ол Артур Платоновтың қоғамдық және партиялық жұмыста жинақтаған мол тәжірибесі комитет қызметін күшейте түсуге мүмкіндік беретініне сенімділік білдірді.

Сонымен қатар мәжіліс төрағасының орынбасары болып сайланған комитеттің бұрынғы басшысы Павел Казанцевке атқарған жұмысы үшін алғыс айтты.

Айта кетсек, Артур Платонов 2016 жылдан бері мәжіліс депутаты болып еңбек етіп жүр. Ол халықаралық істер, қорғаныс және қауіпсіздік комитетінің мүшесі. 

Платоновты көпшілік "Портрет недели" телебағдарламасының жүргізушісі ретінде таниды.

Дереккөз:sputnik.kz

26 ақпан, 14:46

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.