В Атырау -1 
Боралдайдан ұшқан санитарлық ұшақ жерге мәжбүрлі түрде қонған, деп хабарлайды Stan.kz ақпарат агенттігі.
Азия Континенталь әуе компаниясының Ан2 әуе кемесінің Боралдай - Кеген бағыты бойынша РРК5481 санитарлық рейсі Боралдай автомобиль жолынан шығысқа қарай 1,5 км мәжбүрлі түрде қонды.
"2021 жылдың 26 ақпанында сағат 12:26-да Іле ауданының Боралдай кентінде "Боралдай-Кеген" бағытында санитарлық авиация бойынша әуежайдан ұшып шыққан АН-2 ұшағы қозғалтқышының жұмыс істемей қалуына байланысты шұғыл жерге қонуға мәжбүр болды", - деді ҚР ТЖМ ресми өкілі Талғат Уәли.
Ұшақ бортында 5 адам болған. Қаза болғандар мен зардап шеккендер жоқ.
"Ұшақ оңтүстік бағыттағы ұшу-қону жолағынан 1,5 шақырым жерге қонды. Оқиға орнына ТЖД (7 қызметкер мен 2 бірлік техника), «Боралдай» аэродромы авиациялық қауіпсіздік қызметі мамандары (15 қызметкер мен 5 бірлік техника) барды", - дейді ол.
ҚР индустрия және инфрақұрылымдық даму министрлігінің авиациялық оқиғалар мен инциденттерді тексеру басқармасы тергеу жүргізетін болады.