В Атырау -8 
Мобильдік топ жиналған адамдарды тарқатты
Фото: polisia.kz
Түркістан облысы Сарыағаш ауданы полицейлері карантинге қарамастан көкпар өткізген тұрғындарды жауапқа тартты, - деп хабарлайды Azattyq Rýhy тілшісі Polisia.kz-ке сілтеме жасап.
«Сарыағаш ауданының полицейлері карантиндік режим мен санитарлық-эпидемиологиялық нормаларды бұзып, көкпар ұйымдастырған тұрғынды анықтады. Нақтырақ айтсақ, Көктерек кентінің қырлы алқабында жергілікті тұрғын жасөспірімдерді жинап «Бата көкпар» жасаған. Мобильдік топ бірден шоғырланған адамдар тобын тарқатты. Тәртіп сақшылары іс-шараға қатысушыларға карантин талаптарына жол бермеу туралы түсіндіру әңгімелерін өткізді», - деп жазылған хабарламада.
Сондай-ақ шектеу шараларын бұза отырып, 70 -тен астам адамды жинаған көкпар ұйымдастырушылары жауапқа тартты.
26 ақпан 2021, 14:12