Атырау, 13 қазан 07:24
 ашықВ Атырау +17
$ 487.37
€ 532.94
₽ 5.09

Димаш Құдайберген Қазақстаннан АҚШ-қа кететін болды

2 262 просмотра

Қазақстандық әнші әлемдік шоу-бизнестің орталығында болуы керек екенін, сол себепті Америкаға кеткісі келетінін айтты, деп хабарлайды Sputnik.kz

Танымал қазақстандық әнші Димаш Құдайберген шығармашылық жолын жетілдіру мақсатында АҚШ-қа көшетін болды. Бұл туралы әнші желідегі парақшасында мәлімдеді.

"MTV USA телеарнасына Кевин Кенниге берген екінші эксклюзив сұқбатым шықты. Менің Қытайда қанша жыл тұрғанымды және шығармашылығымды қолдау үшін Америкаға қашан көшуді жоспарлап отырғанымды толық нұсқадан біле аласыздар", - деп жазды Димаш Instagram парақшасында.

Сұқбат барысында қазақстандық әнші Америкаға кеткісі келетінін айтты.

"Музыканы жетілдіру үшін біраз уақыт Америкада болуды жоспарлап отырмын. Ол үшін әлемдік шоу-бизнестің орталығында болу қажет. Менде осыған ұқсас тәжірибе бар: мен музыкамды жетілдіру үшін үш жарым жыл Қытайда болдым. Алайда мен үшін ең сүйікті орын – отбасым бар жер", - деді Димаш.

Сонымен қатар әнші өзіне Қытайдың да ұнағанын айтып өтті.

"Маған Қытайдағы адамдар ұнады, олар бауырмал, жанкүйерлерім өте қамқор. Менің Қытайдағы менеджерлерім – өз ісінің маманы", - деді ол.

Айта кетейік, Димаш Құдайберген 2017 жылы Қытайдағы Singer телевизиялық шоуына қатысқаннан кейін әлемге танылды. Сол байқауда екінші орын алған қазақстандық содан кейін көптеген марапатқа ие болды. Димаш америкалық MTV-де қазақ тіліндегі бейнебаяны шыққан алғашқы қазақстандық әнші. Сондай-ақ, бірінші болып АҚШ президентінің ұлықтау рәсіміне қатысты.

10 ақпан 2021, 15:09

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.