Күреле ме, қайтеді?

Өткен жылдың 24 желтоқсанында бірінші қабаттағы едені опырылып түскен Сырдария көшесі, 5 мекен-жайындағы жатақхана ғимаратын («АЖ» №52, 27.12.12 жыл – «Іргесі сөгілген жатақхана» жарияланымын қараңыз) тексеріп жатқан Сейсмология институтының мамандары  қалалық әкімдікке сараптама қорытындысын қаңтардың аяғында ұсынбақ.

Бұл туралы облыстық сәулет-құрылыс бақылау басқармасының бастығы Қуаныш МҰХАМБЕТҚАЛИҰЛЫ хабарлады. Мамандар жатақхана әрі қарай мекен етуге жарамды ма әлде күрелуі тиіс пе деген сұраққа жауап берулері тиіс. Олар іргетасқа, қабырға мен топырақ қабатына тексеру жүргізді, қазір құрылымның беріктігі есептелуде. Естеріңізге салсақ, ғимарат әзірге бос тұр, 111 тұрғын мектеп-интернатқа орналастырылған, тағы 20 адам – Қарттар үйінде.

Мұрат СҰЛТАНҒАЛИЕВ