Парламенттік сапар

Қайрат ИЩАНОВБүгін, 10 қаңтарда бір топ ҚР Сенаты мен Парламент Мәжілісі депутаттарының Атырау облысына жұмыс сапары басталды. Сапар мақсаты – Нұрсұлтан НАЗАРБАЕВТЫҢ Қазақстан халқына жолдауын түсіндіру.

Сенат төрағасының орынбасары Қайрат ИЩАНОВ, cенаторлар Сәрсенбай ЕҢСЕГЕНОВ, Әділ АХМЕТОВ пен Ғарифолла ЕСІМ, сондай-ақ, мәжілісмендер Асхат БЕКЕНОВ, Жалғас ДҮЙСЕНҒАЛИЕВ, Еркін ШПАНОВ, Алдан СМАЙЫЛ және Алмас ТОРТАЕВ келді. Түске дейін олар «Нұр Отан» ХДП облыстық активімен кездесіп, түстен кейін Сарыөзек ауданы тұрғындарының (Сарыөзектегі жалғыз ғана 5 қабатты үйдің) проблемаларымен танысты. Содан соң «Атаба» ЖШС көкөніс сақтау қоймасына барып, жергілікті педагогтар қауымымен кездесті.

Ертең депутаттар Құлсары қаласына барып, ол жерден «МеталлПродукт» ЖШС-нің металл конструкциясын шығаратын зауытын, «АтырауСауда» ЖШС құс фабрикасын, 280 орындық «Қызғалдақ» балабақшасын аралап, аудандық активке қатыспақ. Сенбі күнге «Болашақ» зауытына бару шарасы белгіленген.

Лаура СҮЛЕЙМЕНОВА

Суретті түсірген автор