Қытай құрылысшылары мен жергілікті тұрғындар төбелескен

Қырғыз елінде қытай құрылысшылары мен жергілікті тұрғындар арасында төбелес болып, 20 адам жарақат алды.

Бұл туралы Қырғызстанның ішкі істер министрлігі «РИА Новости» агенттігіне хабарлады. Мекеменің мәліметі бойынша, 8 қаңтар күні кешке Өзген ауданындағы Құршаб ауылында қытайлық азаматтар ұялы телефон ұрлады деген күдікпен бір тұрғынды соққыға жыққан. Олардың бұл әрекетіне қызуқанды қырғыз ағайындар өре түрегеліп, 20 қытайлықты ауруханадан бір-ақ шығарған. Жарақат алғандардың қатарында тәртіп сақшылары да бар. Қазір оқиғаға қатысты қылмыстық іс қозғалып, тергеу жұмысы басталды. Алдын ала мәлімет бойынша, қытай құрылысшылары ішімдік ішкен.

Дереккөз: 24.kz