Әуе апатында қаза тапқандардың фотосуреттері

Ұшақтың бортындағы адамдардың барлығы, оның ішінде Шекара қызметінің директоры, полковник Т.М. Стамбеков қаза тапты. Ұшақта сондай-ақ Шекара қызметі орталық аппаратының бір топ офицерлері, «Оңтүстік» өңірлік басқармасының әскери қызметкерлері болған. Олардың барлығы Астана қаласынан Шекара қызметі Әскери кеңесі отырысынан қайтып келе жатқан.
ҚР ҰҚК хабарлағандай, әскери-көлік ұшағы 1990 жылы шығарылған. Биыл, 2012 жылы Украинадағы «КБ Антонов» авиажөндеу зауытында ресурсты қайта қалпына келтіру процесінен өткен. Қазақстанға жеткізілген ұшақ содан кейін бар-жоғы 31 рет әуеге көтеріліпті.
Осы факт бойынша қылмыстық іс қозғалды.
27 желтоқсан Мемлекет басшысы Нұрсұлтан Назарбаевтың Өкімімен Қазақстан Республикасында ұлттық аза тұту күні болып жарияланды.

Дереккөз: bnews.kz, Tengrinews.kz