Атырау, 27 қараша 10:42
 бұлыңғыр болады В Атырау +1
$ 422.40
€ 502.78
₽ 5.59

Өрт қауіпсіздігін сақта

1 791 рет қаралды

Облыстық ТЖД-нің мемлекеттік өрт бақылау басқармасының бас маманы Виталий УМНОВТЫҢ айтуынша, соңғы үш жылға талдау жасау жаңа жылдық мереке кезінде өрт қаупінің өсетінін көрсетті.

 Мәселен, 2010 жылды қарсы алғанда 3 өрт болса, 2011-де - 6 (бір адам қаза болған), 2012 жылы тағы да 6 өрт орын алған. Өрттердің көпшілігі үй ішінде пиротехникаларды қолданудан шыққан.

Пиротехникаларды қалай дұрыс қолдану керек?

1. Нұсқаманы зерделеу. 2. Қолдану мерзімі өткен жарылғыштарды қолдануға болмайды. 3. Балалар үлкендердің қатаң бақылауында болуы керек. 4. Ақаулары бар пиротехниканы (орама тұтастығына, майысуына назар аудар) қолдануға, отшашуларды қалтаға салып жүруге, оларды жанып тұрған отқа лақтыруға, бөлшектеуге не болмаса қандай да бір механикалық әсерлер тигізуге болмайды. 5. Пиротехникаларды жылыту аспаптарының жанына, баланың қолы жететін жерге қоюға болмайды. 6. Білтеге от тигізерде жарылғыш құралдың үстінен қарауға, сондай-ақ, жанып болғаннан кейін 5 минутқа дейін қасына жақындауға болмайды. 7. Отшашуды қатты жел кезінде атуға болмайды. 8. Пиротехниканы адамдар көп жиналған жерде қолдануға болмайды.

Жазып алған Мұрат СҰЛТАНҒАЛИЕВ

26 желтоқсан 2012, 20:28

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.