Шымкенттің маңында құлаған ұшақтың «қара жәшігі» табылды- Абықаев

ШЫМКЕНТ, 26  жел  -Қазақстан жаңалықтары АА. Шымкенттің маңында 25 желтоқсанда құлаған АН-72 ұшағының «қара жәшігі» табылды,  деп мәлімдеді сәрсенбіде Шымкентте брифингте Қазақстан ҰҚК басшысы Нұртай Абықаев.

25 желтоқсанда 18 сағат 55 минутта Шымкент қаласының маңында ҚР ҰҚК Шекара қызметінің әскери-көлік ұшағы апатқа ұшырады.Ұшақ бортында болған барлық 27 адам, соның ішінде 7 экипаж мүшесі қаза тапты. Ұшақтың қирау  фактісі бойынша  қылмыстық іс қозғалды.

"«Қара жәшік» табылды, болған оқиғаның себебін анықтаумен арнайы комиссия айналысады», - деді  Абықаев. Оның айтуынша, қазіргі уақытта екі нұсқа – адам факторы және ауа райының қолайсыздығы қарастырылуда. "Ұшақ қонбақшы болған кезде белеске соқтығысқан", - деп мәлімдеді Абықаев.

Дереккөз: newskaz.kz