Атырау, 29 наурыз 20:12
 ашықВ Атырау +1
$ 448.15
€ 483.46
₽ 4.86

"Амалсыз түсіріп отырмын". ШҚО полицейі басшылықтың әрекетіне наразы болды

3 067 просмотра

Шығыс Қазақстан облысының полицейі басшысы сотталушыны заңсыз босатуға мәжбүрлегенін айтып, видеоүндеу жасады, - деп хабарлайды Tengrinews.kz тілшісі.

Полицей видеоүндеуді Instagram желісінде жариялады. 

"Видеоны амалсыз түсіріп отырмын, себебі болған жайтты түсіне алмай отырмын. Мен 2013 жылдан бері әкімшілік қамауға алынған адамдарды ұстау изоляторында жұмыс істеймін.
2020 жылдың 27 шілдесінде менде кестеге сәйкес кезекшілік болды. Кезекші офицер Шарман ауданының аудандық полиция бөлімі бастығының міндетін уақытша атқарушысына қайтадан қоңырау шалуымды сұрады.Ол маған 1970 жылғы сотталушыны босатуымды сұрады. Ол Әкімшілік кодекстің 608-бабы бойынша соттың үкімімен 15 тәулікке қамалған болатын. Сотталушы Шар қаласының арнайы ұстау изоляторына 14-29 шілде аралығына қамалған болатын", - дейді полицей. 

Полицейге сотталған ер адам көрші ауылға жерлеу рәсіміне барып келуі керек екені айтылған. 

"Ол ешкімге байқатпай, қайтып келеді" деді. Ешқандай құжат болмады. Басшым бар жауапкершілікті өз мойнына алатынын айтты. Мен оған: "Жоқ, ереже бойынша болмайды" дедім. Ол қайтадан хабарласып, прокурормен келіскенін айтты, мен сонда да "жоқ" дедім. Ол "дәрігер шақырып, ол "ауырып қалды" дей сал" дегендей басқа амалдар ұсына бастады. Мен оның бұйрығын орындаудан түпкілікті бас тарттым", - деді полицей. 

Артынша, полицейдің айтуынша, оған қоқан-лоқы көрсетіле бастаған. Полицей ол жайттың барлығын диктофонға жазып алған. 

"Мен бұл жайтты ішкі істер министрі мен бас прокурорға хабарладым. Тәртіптік комиссия қабылданды, шешім бойынша оны қызметінде қалдырып, оған толық емес қызметтік жаза тағайындау туралы шешім қабылданды. Сосын маған: "Сенің ауысқың келетін шығар?" деді. Мен оған ашуланып кеттім. 

Бұл туралы кімге айтарымды білмедім, тек бұл жауапсыз қалмаса екен дедім. Сонда мен не үшін ант бердім? Егер сот шешімі ол үшін заң болмаса, ол өзін кім деп санайды?", - деп ашуланды полицей. 

Шығыс Қазақстан облысының Полиция департаментінің баспасөз қызметі бұл видеодан хабардар екенін жеткізді. 

"Департаменттің ішкі қауіпсіздік басқармасы қызметтік тергеу жүргізді, оның қорытындысы бойынша бірқатар аумақтық бөлімшенің басшылары қатаң тәртіптік жауапкершілікке тартылды.
Сонымен қатар, Департамент басшылығының тапсырмасы бойынша қосымша тексеру тағайындалды", - деп хабарлады ПД өкілдері.


10 қазан 2020, 14:19

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.