В Атырау 0 
Армения мен Әзербайжанның әскерилері сенбі күні оқ атуды тоқтату туралы келісті, деп хабарлайды Sputnik.kz РИА Новостиге сілтеме жасап.
Бітім 10 қазан күні 12-де басталады. Келісім туралы мәлімдемені Ресейдің сыртқы істер министрі Сергей Лавров хабарлады.
Келіссөздер 10 сағатқа созылған. Оның қорытындысы бойынша үшжақты құжатқа қол қойылды.
"Ресей президенті Путин, Әзербайжан президенті Әлиев, Арменияның премьер-министрі Пашинян уағдаластығына сәйкес, оқ ату 10 қазан 12:00-ден бастап тоқтатылады. Әскери тұтқындар және өзге тұлғалармен алмасу жүзеге асады. Қаза болғандардың денелері беріледі. Халықаралық Қызыл Крест комитеті қолдау көрсетеді", - деді Лавров.
БҰҰ ақпаратына сәйкес, 27 қыркүйек- 8 қазан аралығында Таулы Қарабақтағы жағдайдың ушығуы салдарынан 53 тұрғын қаза болды. Арасында балалар да бар.