Атырау, 29 наурыз 10:36
 ашықВ Атырау +10
$ 448.15
€ 483.46
₽ 4.86

Есту, көру нашарлайды, депрессия. Ковидтен кейінгі синдром белгілері айтылды

2 315 просмотра

Коронавирус жұқтырып, ауруды жеңіл өткерген кейбір қазақстандықтан біраз уақыттан кейін ковидтен кейінгі синдром байқалған. COVID-19 салдары мен синдром симптомдары туралы кардиолог Махаббат Бекбосынова айтып берді, - деп хабарлайды Tengrinews.kz тілшісі.

"Бүгінде коронавирус инфекциясы қан тамырларының жүйелі қабынуы екені анық. Себебі ең алдымен тамырлардың жасушалары зақымданады. Бұл біз үйреніп қалған бактериялық пневмония немесе тұмаудың салдары емес. Бұл - барлық орган мен жүйеге зақым келтіретін қан тамырларының жүйелі ауруы", - деді Ұлттық ғылыми кардиохирургия орталығы төрағасының міндетін атқарушы Махаббат Бекбосынова.

Оның айтуынша, COVID-19 жұқтырған адамның "ковидтен кейінгі" синдромы аурудан жазылған соң 2-3 айдан кейін шығады.

"Инфекция ауруды жеңіл өткерсе де органдарды зақымдайды. "Ковидтен кейінгі" синдром адам жазылып шыққан, дені сау деп есептелгеннен кейін екі-үш ай өткен соң да шығады", - деді ол.

Сондай-ақ маман мұндай белгілер әркімде әртүрлі болатынын атап өтті.

"Неврологиялық ауытқулар бар. Мен COVID-19-дың ауыр формасын емес, ауруды жеңіл өткергендер туралы айтып тұрмын. Есте сақтау, көру, есту қабілетіне кесірін тигізеді. Ұйықтай алмай, ашулану, депрессия пайда болады. Қант диабеті болмаған науқастар болған. Бірақ коронавирустан кейін COVID-индукцияланған қант диабеті пайда болды", - деді кардиолог.
9 қазан 2020, 11:20

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.