В Атырау
-1 
Ауа-райының қолайсыздығына байланысты Атырау қаласының мектептеріндегі сабақтар 45 минуттан 35 минутқа дейін қысқартылды.
Сабақты толықтай тоқтату туралы әзірге әңгіме қозғалған жоқ. Білім және ғылым министрлігінің нұсқаунама хатына сәйкес, бұл ауа температурасы 25 градустан төмен болған жағдайда ғана жасалады екен.
– Жергілікті атқару органдары ТЖ департаментінің мәліметтеріне сүйеніп, шешім қабылдайды. Температура минус 25 белгісіне жеткен жоқ, бірақ қар мен бұрқасын жағдайды қиындатып тұр. Біз ахуалды бақылауда ұстап отырмыз, аудандарға телефон соғып тұрамыз, - дейді облыстық білім беру басқармасының орынбасары Зылиха ДҮЙСЕКЕНОВА.
Облыс бойынша ауа-райы барлық жерде бірдей. Исатай мен Махамбет аудандарында ауа-райы Атыраудағыдай. Ал Құрманғазы ауданында жылырақ және мұндай жел жоқ. Әзірге қала мектептерінде сабақтар уақыты 35 минутқа дейін қысқарды. Дегенмен, кейбір ата-аналар сабақтың тоқтатылуын күтпей, жолдардағы кептелістер салдарынан ертең балаларын сабаққа мүлдем жібермеуді ұйғарған.
Зульфия ИСКАЛИЕВА