Н.Назарбаев халықаралық терминдерді қазақ тіліне жаппай аударумен әуестенбеуге шақырды

«Терминологияда біраз мәселелер бар, мәселен, көптеген елдерде қалыптасқан  «музей», «архив» деген ежелгі грек сөздерін «мұражай», «мұрағат», деп, «композиторды» сазгер» деп, «пианиноны» «күйсандық деп аударып жүрміз, ал бұлар интернационалдық сөздер», деді Нұрсұлтан Назарбаев.

Мемлекет басшысының айтуынша, егер қазіргі ғылыми термоинологияның негізін латын сөздері құраса, қазіргі ақпараттық технологиялар ғасырында ағылшын тілі әлемнің барлық халықтарының тіліне еніп келеді, біз де бұл процестерден қалып қоймауымыз қажет, деген пікірін білдірді.

«Кез келген тіл басқа тілдермен өзара әрекеттесу арқылы дамып., байи түсетінін түсінуіміз қажет», - деп атап көрсетті Ұлт көшбасшысы. 

Дереккөз: ҚазАқпарат