«Теңізшевройл» өз қызметкерлерінің бір бөлігін мәжбүрлі демалысқа жіберді

Whatsapp мессенджері арқылы Теңіз кенішінде жыл соңына дейін тікелей өндіріске қатысы жоқ кейбір жұмыстардың тоқтатылғаны, ал жұмыс берушіге байланысты емес себептермен тоқтатылған уақыт үшін орташа жалақының 50%-ы мөлшерінде төленетіндігі туралы ТШО-ның бас директоры Имер БОННЕР қол қойған құжат таралуда.

«АЖ» ТШО-ның баспасөз қызметіне хабарласып, мынадай жауап алды:

«Иә, «Теңізшевройлдың» бірқатар қызметкерлеріне қатысты осындай бұйрық бар. COVID-19 пандемиясына қарсы іс-қимыл аясында ТШО кейбір жобаларды уақытша тоқтатты. Жобаға тартылған жұмысшылар жалақыны ұжымдық шарттың және ҚР еңбек заңнамасының талаптарына сәйкес алады. Бұл бұйрық «Теңізшевройл» ЖШС қызметкерлерінің шамамен 8% -на қатысты. Қазіргі уақытта ТШО-ның негізгі өндірістік қызметі бұрынғыша үзіліссіз жүзеге асырылуда».

Дайындаған Нұргүл ХАЙРУЛЛИНА