​Таубаев - жаңа бірінші орынбасар. Шапкенов өз еркімен қызметінен кетті

1 044 рет қаралды
Нұрлан Таубаев

ҚР Президентінің Әкімшілігімен келісім бойынша Нұрлан Таубаев Атырау облысы әкімінің бірінші орынбасары болып тағайындалды, деп хабарлайды Атырау облысы әкімінің баспасөз қызметі.

"Облыстық мәслихаттың кезекті сессиясында Атырау облысының әкімі Махамбет Досмұхамбетов жаңа орынбасарын таныстырды. Бұған дейін Атырау облысы әкімінің бірінші орынбасары болған Шапкенов Серік Жамбылұлы басқа қызметке ауысуына байланысты өз өтінішімен қызметінен босатылды" делінген хабарламада. 

Естеріңізге салсақ, «АЖ» Таубаевтың тағайындалғаны туралы бұған дейін жазған болатын. Бірақ сол кезде облыс әкімдігінің баспасөз қызметі «Атырау облысы әкімдігінде кадрлық ауыс-түйістер болған жоқ, барлық орынбасарлар жұмыс орындарында», деп мәлімдеген еді.

Таубаев Нұрлан Бақтыбайұлы 1976 жылы 26 мамырда Атырау қаласында дүниеге келген. Білімі жоғары, Атырау мемлекеттік мұнай және газ институтын тау-кен геология инженері, Қазақстандық экономика және құқық институтын заңгер және Х.Досмұхамедов атындағы Атырау мемлекеттік университетін экономист-менеджер мамандықтары бойынша бітірген. 

Еңбек жолын 1995 жылы Атырау қаласында «Экспресс-Юг» жауапкершілігі шектеулі серіктестігі директорының орынбасары қызметінен бастаған. 

1998-2000 жылдар аралығында «Денсаулық» және «Ислам» жауапкершілігі шектеулі серіктестіктерінің директоры болған.

2000-2006 жылдары Атырау қалалық тұрғын үй-коммуналдық шаруашлығы, жолаушылар  көлігі және автокөлік жолдары бөлімінің бастығы, 

2006-2008 жылдары Қазақстан Республикасы  Индустрия және сауда министрлігі Бәсекелестікті қорғау комитетінің Атырау облысы бойынша Монополияға қарсы басқармасының басшысы;

2008-2012 жылдары Қазақстан Республикасы Бәсекелестікті қорғау агенттігінің (Монополияға қарсы агенттік) Атырау және Маңғыстау облыстары бойынша өңіраралық инспекциясының басшысы;

2012-2014 жылдары Қазақстан Республикасы Бәсекелестікті қорғау агенттігінің (Монополияға қарсы агенттік) Атырау облысы бойынша монополияға қарсы инспекциясының басшысы;
 
2014-2015 жылдары Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитетінің стратегиялық талдау басқармасының бас сарапшысы;

2015-2017 жылдары Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитеті Атырау облысы бойынша департаментінің басшысы;

2017-2018 жылдары Қазақстан Республикасы Ұлттық экономика министрлігінің Табиғи монополияларды реттеу, бәсекелестікті және тұтынушылардың құқықтарын қорғау комитеті Атырау облысы бойынша департаментінің басшысы;

2018-2019 жылы Атырау қаласы әкімінің орынбасары, Атырау облысы әкімінің орынбасары лауазымдарын атқарған.

Сонымен қатар 2008-2012 жылдары Атырау облысының аумақтық сайлау комиссиясының төрағасы қызметін қоғамдық негізде атқарған.

Соңғы жұмыс орны Қазақстан Республикасы Ұлттық экономика министрлігінің Табиғи монополияларды реттеу комитеті Атырау облысы бойынша департаментінің басшысы. 

22 мамыр, 12:38

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.