50 пайыз бәріне тиесілі емес

– Мен ІІ топ мүгедегімін, әдетте автобустарға мінгенде жолақының 50 пайызын төлеймін. Бірақ Еркінқалаға баратын №52 маршрутта мүгедектігім туралы куәлігіме қарамастан менен үнемі 65 теңге жолақы алады. Кондукторлар өздерінің маршруттарында жеңілдіктер қарастырылмағанын айтады.

Рахила Есенғалиева

№52 маршрутқа қызмет көрсететін «Айдын и К» ЖШС директоры  Оразалы АУЫЛБАЕВ жауап береді:

– Біздің маршруттарда тек Ұлы Отан соғысының ардагерлері мен мүгедектеріне, 16 жасқа дейінгі мүгедек балаларға, сондай-ақ, саңырау-мылқау және соқыр жандар үшін жеңілдіктер қарастырылған. Алайда осы маршрутты үнемі пайдаланатын Рахила Есенғалиева үшін біз жеңілдік жасауға дайынбыз. Ол өзінің куәлігін кондукторларға көрсетсе жеткілікті, олардың барлығына бұл туралы ескертілді.