Трамп Голан жоталарын Израиль аумағы деп ресми түрде мойындады

1 326 просмотра

АҚШ президенті Дональд Трамп Голан жоталары Израильге тиесілі деп мәлімдеді. 1967 жылы болған алты күндік соғыста әуелде Сирияға тиесілі болған жоталарды Израиль басып алған.

Голан жоталарын Израиль аумағына тиесілі деп мойындау туралы құжатқа 25 наурызда Ақ үйде қол қойып жатып Трамп "АҚШ мұндай шешімді ондаған жыл бұрын қабылдауы керек еді" деді.

Құжатқа қол қойған сәтте Трамптың жанында Израиль премьер-министрі Биньямин Нетаньяху болды. Израиль лидері мұны "батыл құжат" деп атап, датаны "Голан жоталары үшін соғыста басым түскен Израиль жеңісі дипломатиялық жеңіске айналған тарихи күн" деп атады.

"Біз жоталарды ұстап тұрмыз, ешқашан бермейміз де", - деді Нетаньяху. Оның сөзінше, Трамп қол қойған құжат арқасында "Израиль мен АҚШ альянсы бұрын-соңды болмаған деңгейде нығая түскен".

Сирия сыртқы істер министрі Трамптың шешімін "Сирия егемендігі мен аумақтық тұтастығына сорақы шабуыл" деп атады.

Дереккөз: azattyq.org

26 наурыз 2019, 09:50

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.