Күреу мерзімі белгісіз

 – Біз Мирный поселкесіндегі Ташкент көшесінде тұрамыз. Көршілер бізге Атырау мұнай өңдеу зауытын қайта жарақтаудың 3-кезеңіне байланысты біздің үйлеріміздің күрелетіндігін айтты. Күрелу мерзімін айтсаңыздар екен?

Айжан Өтеғалиева

Қала әкімінің орынбасары Әділбек НҰРЛЫҒОЖИЕВ Мирный поселкесін күреу жөнінде ешқандай ақпарат жоқ, күреу жоспарланған кезде халыққа міндетті түрде хабарланады деп жауап берді.

10 қыркүйекте «АМӨЗ» ЖШС бас директорының бірінші орынбасары Қайрат ОРАЗБАЕВ баспасөз конференциясында зауытты қайта жарақтандырудың басталуына байланысты Мирный поселкесі, сол жақ Перетаска және бұрынғы химия зауыты ауданындағы кейбір үйлердің күрелетіндігін хабарлады. Барлығы шамамен 200-дей үй күрелмек.