Астраханға ұшақпен баруға болады

Азаматтық авиация комитетінің сайтында баспасөз хабарламасы пайда болды: конкурстық комиссия «Qazaq Air» әуе компаниясының өтініштерін қарастырып, халықаралық әуе бағыттарына, соның ішінде, Атырау-Астрахан, Атырау-Минеральные воды және Атырау-Тбилиси бағытында сертификаттар беру туралы шешім қабылдады.

Әуе компаниясы төмендегі әуе тасымалдарын жүзеге асырады:

• Алматы - Бішкек - Алматы;

• Алматы - Ош - Алматы;

• Атырау - Астрахан - Атырау;

• Атырау – Минеральные Воды - Атырау;

• Атырау - Тбилиси - Атырау;

• Ақтау - Тбилиси - Ақтау;

• Ақтау - Грозный - Ақтау;

• Өскемен - Новосибирск – Өскемен.

Алғашқы рейс 21 наурыз күні Алматы - Бішкек бағыты бойынша орындалады. Ал сәуірде Атырау-Астрахан бағыты бойынша әуе тасымалы іске қосылады.

Өңірлік халықаралық бағыттарды іске қосу 2019 жылдың сәуір-мамыр айларында келетін екі жаңа Bombardier Q400 NextGen ұшақты сатып алу арқылы мүмкін болды.

Дайындаған Нұргүл ХАЙРУЛЛИНА