Арақ абақтыға апарар

Құрманғазы аудандық соты Ақкөл ауылының тұрғынына қатысты үкім шығарды. Ол биылғы жылдың қаңтарында мас күйде ауыл дүкеніне кіріп, сатушыға пышағын сермелеп, бір бөтелке арақты тегін беруін талап етеді.

Қорыққан әйел оған бөтелкені береді, оны алған тонаушы кетіп қалады.

Сотталушы ҚР ҚК-нің 191-бабы 2-тармағының 1-тармақшасы (Жәбiрленушiнiң өмiрiне немесе денсаулығына қауiптi емес күш қолданып не осындай күш қолдану қатерін төндіріп тонау) бойынша кінәлі деп танылып, 3 жылға бас бостандығынан айыру жазасын алды.

Фархад ӘБІЛОВ