​Украина жүзіп жүретін ғарыш айлағын салмақ

Украинаның «Южмаш» мемлекеттік кәсіпорны ғарышқа зымыран ұшыратын жүзіп жүретін платформа жасау бастамасын көтеріп отыр, деп хабарлайды «ҚазАқпарат» ХАА «Укринформ» агенттігіне сілтеме жасап.

Кәсіпорын директоры Сергей Войттың сөзіне қарағанда, жүзіп жүретін ғарыш айлағы Херсон облысында салынуы ықтимал. 

«Біздің әлдеқашан ғарышқа зымыран ұшыратын платформамыз болуы қажет еді, оны Херсонщинада салуға болады», - дейді С. Войт.

«Южмаш» зымыран құрастыруға маманданған кәсіпорын болғанымен Украинаның өз ғарыш айлағы жоқ.

Дереккөз: inform.kz