В Атырау 0 
Қытай мен АҚШ даулы мәселелерді реттеуге қатысты ымыраға келді. Ақпанның 19-24 аралығында Вашингтонда сауда келіссөздерінің кезекті раунды аяқталды.
Осыдан кейін ақ үй басшысы қытайлық өнімдерге баж салығын өсіруді кейінге шегергенін мәлімдеді. Дональд Трамп Twitter-де бұл шешімді сауда келіссөздері сәтті аяқталған соң қабылдадым деп жазды. Ақ үй басшысы Флоридадағы Мар-а-Лаго резденциясында Қытай төрағасы Си Цзиньпинмен кездесуге де ниетті екенін айтты.
«Мен АҚШ-тың зияткерлік меншік құқығын қорғау, технологияны пайдалануға беру, ауыл шаруашылығы, қызмет көрсету, валюта және басқа да маңызды құрылымдық салалар бойынша Қытаймен өткізген сауда келіссөздерінде жақсы нәтижеге қол жеткізгенін қуана хабарлаймын», - дейді Дональд Трамп.
Әлемдегі екі ірі экономика арасындағы сауда келіссөздерінің қарбалас жүргені сонша 19 ақпанда басталған отырыс жексенбіге дейін созылды.
Лю Ин, Қытай халық университеті қаржылық зерттеу институтының сарапшысы:
- Екі елдің ойы бір жерден шыға бастады. 1 наурызға дейін бірқатар мәселелер шешіліп қалуы мүмкін. Қытай мен АҚШ бір-біріне деген сенімін әлі жоғалта қоймаған. Олардың арасындағы бір жылдан астам уақытқа созылған экономикалық құлдырау үлкен қысым тудырды. Екі тарап та өз мүдделеріне алаңдаулы, сауда әріптестігі өзара тиімді болғандықтан бір-бірін қанағаттандыратын шешім қабылдады. Егер бір жақтың ғана мүддесі орындалса, бұл келісімнің мерзімі ұзаққа бармайды.
Дереккөз: 24.kz