Бразилиялық спортшы көрермендерге шабуыл жасады

Бразилиялық джиу-джитсу бойынша Сан-Паулу қаласында өткен жарыста Эрберт Сантус жекпе-жектен соң көрермендерге тап берді, - деп хабарлайды "Спорт-Экспресс".

Ақтық сынға шыққан ол тізесінен жарақат алғаны туралы ескерту жасаған. Төреші жекпе-жекті тоқтатқан, алайда бұл оның қарсыласының командасына ұнамай қалса керек. Сантустың намысына тиетін сөздер айтылғаннан кейін ашуға булыққан спортшы атып тұрып, соларға қарай ұмтылған. Жаппай төбелес басталған. 

Жеңісті Сантустың қарсыласы Фелипе Пенеге берді. Көрермендерге шабуыл жасаған спортшыны қауіпсіздік қызметінің мамандары спорт аренасынан алып кеткен.

Дереккөз: tengrinews.kz