​Франция швейцариялық UBS банкіне 4,5 млрд еуро айыппұл салды

Франция соты швейцариялық ірі «Ю-би-эс» ((UBS)) банкіне 4 жарым млрд еуро айыппұл салу туралы үкім шығарды. 

Қаржы-несие мекемеге клиенттерді заңсыз тарту ісімен айналысып, салық төлеуден жалтарды деген айып тағылып отыр. «Ю-би-эс» ((UBS)) болса бұл айыпты мойындамай отыр. 

Банк қорғаушысы  жақын арадА сот үкіміне қатысты шағым түсіретінін хабарлады. Рейтер ақпарат агенттігінің хабарлауынша, белгіленген айыппұл банктің бір жылдық табысымен теңбе-тең. Осыған орай  «Ю-би-эс» мекемесінің акциялары 2 пайызға құнсызданды. 

Айта кетейік, бұл банк аясында шыққан алғашқы жанжал емес. Бұған дейін де қаржы ұйымы АҚШ және Германиямен соттасып бірнеше рет айыппұл төлеген болатын.

Дереккөз: 24.kz